Walter Landin Pälzer Sonett

iwwer de Fortschritt

Ich hab gedräämt heit Nacht

Bin im hohe Gras gelege

Midde im schenschde Summerrege

En klääner Bu, wu lacht.

Was is do net alles bassiert!

Aus Tomadekraut e Zigarett

Mädsche, ich find dich nett

De erschte Korb kassiert.

Des gebt's bloß noch in meine Drääm

De Eckbach fließt jetzt im Kanal

Verschwunne sin die hohe Bääm.

Newwerm Fußballblatz die Tennishall

E Konstruktion aus Bedon un Medall

Do war ich frieher mool dehääm.